1. |
L'amuri ca v'haiu
03:56
|
|
||
|
L’amuri ca v’haiu
Nun lu sapiti l’amuri ca v’haiu,
nun lu sapiti quantu v’addisiu.
Nun lu sapiti comu chianciu e staiu,
quannu ca p’un mumentu nun vi viju.
Dintra di l’arma mia ‘na vampa ci haiu,
e lu me cori è vostru e no lu miu.
Si moru in ‘mparradisu nun ci vaiu,
picchì p’amari a vui nun pensu a Diu.
E vui sapennu st’amuri e stui peni,
mi lassati muriri come’un cani.
Ma oggi siddu c’è cu vi tratteni,
speru di cunvincirivi dumani.
Chiù nun m’amati e chiù vi vogghiu beni,
chiù tempu passa e mannu cristiani.
Nun mi lassati amuri ‘nta sti peni,
picchì siti pi mia l’acqua e lu pani.
|
||||
2. |
A Curuna
02:45
|
|
||
|
A Curuna
Arsira lu me beddu vinni fora,
supra un cavaddu r’oru chi vulava.
Sutta li me finestri e li barcuna,
c’un fazzulettu ‘n’manu e lacrimava.
S’affaccianu lu re cu la rigina,
a ‘sta picciotta l’amu a ‘ncuranari.
Su picciridda e nun canciu parola,
a iddu vogghiu e nun vogghiu curuna!
|
||||
3. |
Mafia e parrini
02:27
|
|
||
|
Mafia e Parrini
La mafia e li parrini
si retteru la manu
poviru cittadino
poviru paisanu
E mafia e parrini
si retteru la manu
e mafia e parrini
si retteru la manu
La mafia e parrini
eternu sancisuca!
Sidduni nni lio spaddi
e corda chi n’affuca
E mafia e parrini
si retteru la manu
e mafia e parrini
si retteru la manu
Unu isa la cruci,
l’avutru punta e spara
unu minaccia l ‘n’fernu
l’avutru la lupara
E mafia e parrini
si retteru la manu
e mafia e parrini
si retteru la manu
Chi semu sordi o muti?
Rumpemu sti catini
Sicilia voli gloria!
Né mafia e ne parrini
E mafia e parrini
si retteru la manu
e mafia e parrini
si retteru la manu
|
||||
4. |
Si maritau Rosa
03:22
|
|
||
|
Si maritau Rosa
Vinni la primavera
li mennuli su’ ‘n ciuri:
a mia focu r’amuri
lu cori m’addumò.
L’aceddi s’assicutano
facennu discurseddi:
ahi quantu cosi beddi
‘ca mi fannu sunnà.
Si maritau Rosa, Saridda e Pippinedda
e ju ‘ca sugnu bedda, mi vogghiu marità.
Ahi quanti e quanti giuvani
chi passanu ri ‘sta strata:
nuddu ru ‘na taliata
digna la casa me’.
Oh Diu, tra peni e lacrimi
si sfarda la me vita:
mi vogghiu fari zita
mi vogghiu marità.
Si maritau Rosa, Saridda e Pippinedda
e ju ‘ca sugnu bedda, mi vogghiu marità.
Quannu ri notti passanu
‘ntra lu quarteri miu:
m’affaccia ‘nu disiu
nun pozzu cchiù durmì;
Alleggiu alleggiu rapu
‘a porta a vanidduzza,
viu ‘ca è p’Annuzza
e tornu a lacrimà.
Si maritau Rosa, Saridda e Pippinedda
e ju ‘ca sugnu bedda, mi vogghiu marità.
|
||||
5. |
Marinareddu
04:28
|
|
||
|
Marinareddu
Nascivi poviru, ma chi m’importa,
patruni sugnu in libertà.
Quannu la varca fora mi porta,
sugnu patruni di tuttu lu mari.
Pozzu cantari comu mi pari,
miu è lu mari ri cca e di dda.
Nascivi a mari ri nicareddu,
n’aceddu sugnu ca ‘un po annagghiari.
N’aceddu biancu chi va luntanu,
sugnu un gabbianu c’ammuoddo stà.
Quannu la rizza l’haiu calata,
iu cantu e friscu in libertà.
E la me zita misa affacciata,
reccama e pensa a marità.
‘Ncelu taliu li stiddi e la luna
e cu mi pensa a la finstra stà.
La bedda mia mi fa spinnari,
ma cu lu mari pozzu parrà.
Iddu capisci e m’arrispunni
e cu li unni mi fa annacà.
Pinsannu a idda piscu cuntentu
e allegramenti pozzu cantà:
marinareddu, marinareddu,
sugnu patruni in libirtà.
Marinareddu, marinareddu,
sugnu patruni in libirtà...
|
||||
6. |
Pane e panelli
02:43
|
|
||
|
Pani e panelli
Panj e panelli cavuri cazzilli e rascatura,
quattru cocci r’alivi m’assummò a ducentu liri.
Tri mazzi i ramurazzi e un quartu i litru i vinu,
menzu chili i pani m’assimmò a triccentu liri.
Rosa, Rosa fimmina ri casa
veni to maritu ti pizzica e ti vasa.
Rosa, Rosa fimmina ri casa
veni to maritu ti pizzica e ti vasa.
Donn’Ancilina a turca ‘nvitò quaranta amici
e priparò pa sira a paista cu l’alici.
Ci misi u picurinu, u sali, u pipi e l’agghia
tri mazzi i pitrusinu, sei chila ri frattagghia.
Pigghiavu i milinciani ci spizzuliavu l’accia,
ci misi ‘uu pitrusinu e fici a capunata.
Chiamavu ‘u zu’Iachinu ch’era assittatu fora
ca ci taliava i cosci a figghia ri si sora
Don Totò don Totò s’assittò e s’abbuffò
don Totò don Totò chi manciò chi manciò.
Don Totò don Totò s’assittò e s’abbuffò
don Totò don Totò chi manciò chi manciò:
quarantasei cannola, cubbarda e passolina
tri chila ri cassata ci vosi l’insulina,
e doppo ci si vippi tri litri e munzu di vinu,
avia lu diabete e u verme tagghiarinu.
|
||||
Pescheria Rome, Italy
Pescheria è un laboratorio che rende possibili esperienze di ricerca, incroci, generazione del
suono.
Pescheria si sostiene attraverso la condivisione di musica. Acquistando le pubblicazioni di Pescheria ne supporti l'esistenza.
Per contribuire direttamente attraverso PayPal:
pescheria59@gmail.com
Incroci del suono, espereinze del suono, flussi del suono. Essere nel suono.
... more
If you like Pescheria, you may also like:
supported by 9 fans who also own “Brandamaria”
Coucou kaka ♡ reste t_il 1 album "scirocco" caché quelque part ?
go to album
Les morts vont bien
by LES MORTS VONT BIEN
supported by 6 fans who also own “Brandamaria”
go to album
Capélli di Caténe
by MARIA VIOLENZA
supported by 6 fans who also own “Brandamaria”
go to album
Dance Of The Spheres
by Rainbow Generator
featured on Bandcamp Radio Mar 5, 2024
go to album
ICYMI: Mouse on Mars dropped a Bandcamp exclusive EP that proves they’re still at their dizzying electronic best.
go to album
Music that’s woozy and mysterious, like a warped 7-inch, played a speed too slow
go to album
Messine / Je suis moisissure
by MARIA VIOLENZA + NOIR BOY GEORGE (maxi split)
supported by 6 fans who also own “Brandamaria”
One of my favorite things to listen to on bandcamp that I come back to time and time again. Truly the perfect split for these artists. Gritty and fun:)
go to album
